پاکستان میں سونے کی قیمت میں پھر اضافہ | Urdu News
پاکستان میں سونے کی قیمت میں پھر اضافہ
پاکستان میں سونے کی قیمت دو روز کی کمی کے بعد پھر بڑھ گئی ہے۔
آل پاکستان جیمز اینڈ جیولرز ایسوسی ایشن کے مطابق سونے کی قیمت 4300 روپے بڑھ کر 4 لاکھ 41 ہزار 366 روپے فی تولہ ہوگئی ہے۔
اسی طرح 10 گرام سونے کے نرخ 3686 روپے اضافے سے 3 لاکھ 78 ہزار 631 روپے ہوگئے ہیں۔
ایسوسی ایشن کے مطابق عالمی صرافہ مارکیٹ میں بھی سونے کی قیمت میں اضافے کا رجحان رہا اور سونا 43 ڈالر بڑھ کر 4191 ڈالر فی اونس ہوگیا ہے۔
واضح رہے کہ سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔
اسے صدیوں سے کرنسی اور دولت کی شکل کے طور پر استعمال کیا جاتا رہا ہے۔ جب سرمایہ کار دوسرے اثاثوں کے بارے میں غیر یقینی محسوس کرتے ہیں، تو وہ اکثر سونا خریدے ہیں۔
پاکستان میں سونے کی قیمت کے تعین کے طریقہ کار میں تبدیلی کردی گئی تھی، جس کے تحت سونے کی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی گئی۔
اہم ترین
Post a Comment