کیا آپ کو انگلیاں چٹخانا بند کر دینی چاہییں؟ | Urdu News
کیا آپ کو انگلیاں چٹخانا بند کر دینی چاہییں؟ کم ڈیٹا استعمال کرنے کے لیے صرف تحریر پڑھیں ،تصویر کا ذریعہ Getty Images ،تصویر کا کیپشن بعض لوگوں کے لیے انگلیوں کے جوڑ چٹخانا محض ایک لاشعوری عادت ہوتی ہے مضمون کی تفصیل مصنف, سینڈی اونگ عہدہ, بی بی سی فیوچر وقت اشاعت 9 اگست 2026 مطالعے کا وقت: 8 منٹ ڈونلڈ اَنگر کو بچپن سے ہی پہلے ان کی والدہ اور کئی خالاؤں کی اور پھر بعد میں ساس کی جانب سے یہ تنبیہ کی جاتی رہی تھی کہ مسلسل انگلیوں کو چٹخانے سے انھیں گٹھیا ہو جائے گا۔ یہ ثابت کرنے کے لیے کہ یہ بات درست نہیں، ڈونلڈ اَنگر نے 50 سال تک روزانہ کم از کم دو بار اپنے بائیں ہاتھ کے جوڑ چٹخائے، یعنی مجموعی طور پر تقریباً 36,500 بار، جبکہ اپنے دائیں ہاتھ کے جوڑوں کو بالکل نہیں چٹخایا۔ سنہ 1998 میں 72 برس کی عمر میں انہوں نے اپنی اس عمر بھر کی کوشش کا نتیجہ جاننے کے لیے دونوں ہاتھوں کے ایکسرے کروائے۔ انہوں نے نتیجہ اخذ کیا کہ ’کسی بھی ہاتھ میں آرتھرائٹس کی کوئی علامت موجود نہیں تھی اور دونوں ہاتھوں کے درمیان بھی کوئی واضح فرق نہیں تھا۔‘ یقیناً یہ صرف ایک فرد پر مبنی مشاہدہ تھا۔ مختلف مطالعات سے معل...
