خبردار! ای چالان کے جعلی پیغامات کا نیا فراڈ شہریوں کو نشانہ بنانے لگا | Urdu News
خبردار! ای چالان کے جعلی پیغامات کا نیا فراڈ شہریوں کو نشانہ بنانے لگا
اسلام آباد (2 اگست 2026): اسلام آباد کے شہریوں کو جعلی ای چالان الرٹس موصول ہونے لگے ہیں، اس نئے فراڈ کے ذریعے شہریوں کی ذاتی معلومات چرائی جا سکتی ہیں۔
اسلام آباد ٹریفک پولیس نے سوشل میڈیا پلیٹ فارم ایکس پر شہروں کیلیے پیغام جاری کیا جس میں انتباہ جاری کرتے ہوئے رہائشیوں پر زور دیا گیا کہ وہ ہوشیار رہیں اور جعلسازوں کا شکار ہونے سے بچیں۔
یہ بھی پڑھیں: ای چالان سے بچنے کیلیے نمبر پلیٹ پر نام لکھوانے والا شہری بڑی مشکل میں پھنس گیا
پیغام میں کہا گیا کہ ٹریفک قوانین کی خلاف ورزیوں سے متعلق جعلی پیغامات ایس ایم ایس اور واٹس ایپ کے ذریعے پھیلائے جا رہے ہیں، ان پیغامات میں اکثر مشکوک لنکس ہوتے ہیں جو صارفین کو حساس ذاتی اور مالیاتی معلومات چرانے کیلیے بنائی گئی جعلی ویب سائٹس پر لے جا سکتے ہیں۔
ٹریفک پولیس نے شہریوں کو مشورہ دیا کہ وہ اس طرح کے نوٹس موصول ہونے پر کسی بھی غیر تصدیق شدہ لنک پر کلک نہ کریں اور نہ ہی کوئی خفیہ تفصیلات شیئر کریں، لوگ ایسے پیغامات پر بھروسہ نہ کریں جو بظاہر سرکاری ٹریفک الرٹس معلوم ہوتے ہیں جب تک کہ ان کی تصدیق مجاز چینلز کے ذریعے نہ کی جائے۔
جعلی ای چالان (E-Challan) پیغامات سے ہوشیار رہیں۔
یہ ایک فراڈ ہے۔ ایسے جعلی SMS یا WhatsApp پیغامات میں موجود کسی بھی لنک پر ہرگز کلک نہ کریں۔
اگر آپ کو کسی مشکوک یا جعلی ای چالان کا پیغام موصول ہو تو فوری طور پر اس کی اطلاع اسلام آباد پولیس یا ایف آئی اے سائبر کرائم ونگ کو… pic.twitter.com/9WQSfpvtKd
— Islamabad Police (@ICT_Police) August 1, 2026
اہم ترین
Comments
Post a Comment