مزمل اسلم کا گندم بحران پر اہم بیان آگیا | Urdu News
مزمل اسلم کا گندم بحران پر اہم بیان آگیا
خیبرپختونخوا کے مشیر وزیر خزانہ مزمل اسلم کا کہنا ہے کہ اپریل کے بعد جولائی آگیا لیکن تاریخ میں کبھی اس وقت گندم کا بحران نہیں آیا۔
اے آر وائی نیوز کے مطابق خیبرپختونخوا کے مشیر وزیر خزانہ ملک میں 32 ملین ٹن گندم موجود ہے اور ضرورت 28 ملین ٹن ہے، حکومت کا دعویٰ مان لیا جائے تو ملک میں گندم بحران کیسے پیدا ہوگیا۔
انہوں نے کہا کہ سندھ اور پنجاب حکومت گندم پیدا کرنے کا ٹارگٹ پورا کرنے میں ناکام ہیں، پنجاب نے غیراعلانیہ گندم پر پابندی لگائی ہوئی ہے اور خود پاسکو سے مانگ رہا ہے، ان کا پاسکو سے گندم مانگنا ایک حیران کن عمل ہے۔
یہ بھی پڑھیں: گندم سے متعلق حکومت کا اہم فیصلہ
مزمل اسلم نے کہا کہ پاکستان کا کسان رو رہا ہے کہ اسے نقصان ہورہا ہے، دنیا میں کسان خوشحال ہے اور پیسے کما رہا ہے، پاکستان کا کسان پریشان ہے، پاکستان میں زراعت کا فروغ وفاقی حکومت کی ترجیحات میں شامل نہیں۔
مشیر خزانہ نے کہا کہ پیٹرول اور ڈیزل کی قیمتیں آسمان کو پہنچ گئی ہیں اور آج شاید پھر ٹیکہ لگایا جائے، علی پرویز ملک تنہا ہر جگہ صفائیاں دے رہے ہیں لیکن ہونا کچھ بھی نہیں ہے۔
انہوں نے کہا کہ اوگرا کی ویب سائٹ پر سب کچھ سامنے ہونے کی وجہ سے مافیا سرگرم ہوگا، پتہ نہیں آئل کمپنیاں پیٹرول پمپ کے ساتھ معاملات کیسے چلائیں گی۔
اہم ترین
Comments
Post a Comment