فیفا ورلڈ کپ 2026 : اسپین نے فرانس کو ہرا کر فائنل میں جگہ بنالی | Urdu News
فیفا ورلڈ کپ 2026 : اسپین نے فرانس کو ہرا کر فائنل میں جگہ بنالی
ڈیلس (15 جولائی 2026): اسپین نے فرانس کو سیمی فائنل میں 2-0 شکست دے کر فیفا کپ 2026 کے فائنل کیلیے کوالیفائی کرلیا، اسپین نے آخری بار2010میں فیفا کا فائنل جیتا تھا۔
اسپین 16 سال کے انتظار کے بعد بالآخر فیفا ورلڈ کپ 2026 کے فائنل میں پہنچ گیا، اسپین نے سیمی فائنل میں فرانس کو0-2سے شکست دی۔
سیمی فائنل میں لامین یامال کی ٹیم نے ایم باپے کی ٹیم کی ایک نہ چلنے دی، اسپین کی جانب سے پہلا گول میکال نے پینلٹی پر کیا جبکہ دوسرے ہاف میں پیڈروپورو نے دوسرا گول اسکور کر کے فرانس کی واپسی کی تمام امیدیں ختم کردیں۔
اسپین کی ٹیم دوسری بار ورلڈچیمپئن بننے سے صرف ایک میچ کی دوری پر ہے، دوسرے سیمی فائنل میں کل دفاعی چیمپئن ارجنٹینا کا سامنا انگلینڈ سے ہوگا جبکہ فرانس کی ٹیم تیسری پوزیشن کے لیے اگلا میچ کھیلے گی۔
یاد رہے کہ تجزیہ کاروں کی جانب سے کیلیان ایمباپے کی قیادت میں فرانس کی ٹیم کو ٹورنامنٹ جیتنے کیلئے فیورٹ قرار دیا جا رہا تھا، تاہم پورے میچ میں اسپین کے منظم دفاع اور مؤثر جوابی حملوں کے سامنے فرانسیسی فارورڈز بے بس دکھائی دیے، اسپین کے گول کیپر اور دفاعی لائن نے بھی شاندار کھیل پیش کرتے ہوئے فرانس کو کوئی گول کرنے کا موقع نہ دیا۔
کیا فیفا ورلڈ کپ 2026 طے شدہ، ارجنٹینا ہی نیا چیمپئن ہوگا؟ حقیقت کیا ہے؟
اہم ترین
Comments
Post a Comment