عاشورہ میں مخصوص علاقے لوڈشیڈنگ سے مستثنیٰ، بلوں کی ادائیگی تاریخ میں توسیع | Urdu News
عاشورہ میں مخصوص علاقے لوڈشیڈنگ سے مستثنیٰ، بلوں کی ادائیگی تاریخ میں توسیع
عاشورہ میں کے-الیکٹرک کی جانب سے مخصوص علاقوں کو لوڈشیڈنگ سے مستثنیٰ اور بجلی کے بلوں کی ادائیگی کی تاریخوں میں توسیع کا اعلان کیا گیا ہے۔
شہریوں کی سہولت اور مذہبی سرگرمیوں کے پیشِ نظر، کے-الیکٹرک نے عاشورہ کے دوران اپنے نیٹ ورک کے مختلف علاقوں کو لوڈشیڈنگ سے مستثنیٰ کرنے کا اعلان کیا ہے۔
کراچی میں 371 فیڈرز کی نشاندہی کی گئی ہے جہاں مجالس کا انعقاد یا جلوس کا گزر ہوگا۔ ان میں 244 درمیانے اور زیادہ نقصانات والے فیڈرز بھی شامل ہیں، جہاں شیڈول کے مطابق لوڈشیڈنگ کی جاتی تھی، ان تمام فیڈرز پر 8 محرم کی شام سے 11 محرم کی صبح تک لوڈشیڈنگ نہیں کی جائے گی۔
کے-الیکٹرک نے متعلقہ اداروں اور انتظامیہ کے ساتھ قریبی رابطہ رکھا ہے تاکہ جلوس کے راستوں اور مجالس کے مقامات پر بلاتعطل بجلی کی فراہمی یقینی بنائی جا سکے۔ کسی بھی ہنگامی صورتحال یا تکنیکی خرابی سے نمٹنے کے لیے اضافی تکنیکی وسائل بروئے کار لائے جائیں گے جبکہ آپریشنل ٹیمیں ہائی الرٹ رہیں گی۔
عاشورہ کی تعطیلات کے دوران صارفین کی سہولت کے لیے کے-الیکٹرک نے بجلی کے بلوں کی ادائیگی کی مقررہ تاریخوں میں بھی توسیع کر دی ہے۔
25 اور 26 جون 2026 کی مقررہ تاریخ والے بل اب 29 جون 2026 تک بغیر کسی اضافی سرچارج کے جمع کروائے جا سکیں گے۔
تمام شیڈول بینکوں اور متعلقہ بل وصولی مراکز کو نئی تاریخوں کے مطابق بل وصول کرنے کے لیے آگاہ کر دیا گیا ہے۔ بلوں کی ادائیگی سے متعلق مزید معاونت کے لیے صارفین 24 گھنٹے فعال ہیلپ لائن 118 یا کے-الیکٹرک کے ڈیجیٹل پلیٹ فارمز سے رابطہ کر سکتے ہیں۔
اہم ترین
Comments
Post a Comment