ایران کو جان بوجھ کر فیفا ورلڈ کپ سے باہر کیا گیا؟ متنازع فیصلے نے سوال اٹھا دیا | Urdu News
ایران کو جان بوجھ کر فیفا ورلڈ کپ سے باہر کیا گیا؟ متنازع فیصلے نے سوال اٹھا دیا
امریکا (28 جون 2026): ایران فیفا ورلڈ کپ کے پہلے مرحلے میں ٹورنامنٹ سے باہر ہو گیا لیکن ریفری کے ایرانی ٹیم کے خلاف فیصلے نے ٹورنامنٹ شفافیت پر سوال اٹھا دیا ہے۔
امریکا میں کھیلے جا رہے فیفا ورلڈ کپ 2026 میں ایران کی ٹیم نے سخت مشکل حالات میں شرکت کی۔ سفری دشواریوں، امریکا میں قیام کی اجازت نہ ملنے کے باوجود ایرانی ٹیم پہلے مرحلے میں کوئی میچ نہ ہاری اور تینوں میچ برابر کھیلے۔
تاہم مصر کے خلاف میچ میں ایرانی ٹیم جیتی بازی ہار گئی اور ریفری کے متنازع فیصلے کے باعث میچ ایک ایک گول سے باہر رہا، یوں ایرانی ٹیم کا ورلڈ کپ میں سفر ختم ہوا۔
میچ کی ویڈیو تیزی سے سوشل میڈیا پر وائرل ہو رہی ہے، جس میں ایران کی جانب سے داغے گئے دوسرے گول کو ریفری نے غیر قانونی قرار دے دیا۔
سیئٹل میں ایران اور مصر کے درمیان کھیلا گیا میچ مقررہ وقت تک ایک ایک گول سے برابر تھا، تاہم انجری ٹائم میں ایران نے شاندار گول داغ دیا، جس کے بعد پورا اسٹیڈیم خوشی سے جھوم اٹھا اور ایرانی کھلاڑیوں نے میدان میں ہی بھرپور انداز میں جشن منایا۔
Wow! Iran’s game-winning goal in extra time to go through to the knockout round for the first time in the country’s history is disallowed. For the third straight game in a draw, Iran has a goal disallowed after review. pic.twitter.com/kjnVc2069Y
— Arash Markazi (@ArashMarkazi) June 27, 2026
تاہم کچھ لمحوں بعد ہی ایرانی کھلاڑیوں کا یہ جشن اس وقت غم میں بدل گیا، جب ویڈیو اسسٹنٹ ریفری نے آف سائیڈ قرار دے کر ایران کی جانب سے کیے گئے دوسرے گول کو مسترد کر دیا۔
تاہم سوشل میڈیا پر وائرل ویڈیو میں دیکھا جا سکتا ہے کہ ایرانی کھلاڑی کا جس مصری کھلاڑی سے موازنہ کر کے آف سائیڈ دی گئی، اس سے تھوڑا آگے ایک اور مصری کھلاڑی موجود تھا۔
FIFA either stole the match or manipulated it in favor of Egypt or against Iran. Now I understand why VAR exists—to allow FIFA to manipulate match results. Can someone explain this to me?
FIFA is corrupt and its president must be held accountable. There is clear manipulation. pic.twitter.com/i9vQzRfqeK
— ViralMind (@ViralMindLive) June 27, 2026
سوشل میڈیا صارفین اور ایرانی ٹیم کے مداح وی اے آر کے اس فیصلے پر سوالات اٹھا رہے ہیں۔
واضح رہے کہ اس سے قبل ایرانی ٹیم کے کپتان نے بھی سفری دشواریوں سمیت امریکا میں سہولتوں کی عدم فراہمی پر کہا تھا کہ اگر ایران کو ٹورنامنٹ سے باہر کرنا ہے تو کر دیں لیکن یہ ہمارے ساتھ انصاف نہیں ہے۔
اہم ترین
Comments
Post a Comment